Школа адукатараў.Семінары па праектным мэнэджмэнце.
06.09.2009
Пачынаецца чарговы этап школы адукатараў. Восенню семінары па праектным мэнэджмэнце адбудуцца ў роздых гарадах Беларусі. Запрашаюцца ўсе удзельнікі папярэдніх семінараў Школы адукатараў.
12 верасня - у Віцебску
19 верасня - у Мінску і Гомелі
26 верасня - у Магілёве і Горадні
3 кастрычніка - у Брэсце
Увага! Семінар у Брэсце пераносіцца на 10 кастрычніка.
Метадычны семінар у Магілёве
20.05.2009
30 мая у межах Школы адукатараў пройдзе метадычны семінар для лідэраў навучальных гурткіў у горадзе Магілёве. На семінары будуць разгледжаныя 4 складнікі працы лідэра: групавыя методыкі працы, праца з метадычным матэрыялам, праца з цяжкімі ўдзельнікамі гурткоў і планаванне гуртка.
Кантактная асоба - Ніна Кекух (mogilev.hurtki@mail.ru)
Навучальныя гурткі для лідэраў
20.05.2009
Навучальныя метадычныя гурткі для лідэраў пачынаюцца ў Мінску і Гомелі, а напрыканцы мая - у Гродна і Віцебску. Кантактную інфармацыю лідэраў гурткоў гл. на старонцы “пра нас”.
Школа адукатараў. Семінар па праве
02.05.2009
На 16 мая плануецца перанос семінара па праве ў межах Школы адукатараў. Семінар накіраваны на удзельнікаў, якія знаёмыя ўжо з метадам навучальнага гуртка і якія плануюць арганізацыю сваіх гурткоў на прававую тэматыку.
Усім, хто жадае прыняць удзел у семінары, трэба даслаць заяўку на пошту hrodna.hurtki@tut.by, альбо brest.hurtki@tut.by да 12 мая. Семінар пройдзе ў горадзе Брэсце.
Семінар па экалогіі
29.04.2009
26 красавіка адбыўся семінар па экалогіі, які правялі Вольга Лукіна (Рэсурсная праграма навучальных гурткоў) і Яраслаў Бекіш (запрошаны эксперт грамадскага аб’яднання “Экадом”).
На семінары былі разгледжаныя асноўныя метады, з якімі могуць працаваць лідэры навучальных гурткоў. Удзельнікі маглі папрактыкавацца ў планаванні і правядзенні заняткаў, была прадастаўленая інфармацыя пра асноўную літаратуру па тэме і пра арганізацыі, якія працуюць па разнастайных экалагічных кірунках.
Фотаздымкі з семінара можна паглядзець у фотагалерэі.
Школа адукатараў
25.04.2009
Цяпер можна спампаваць і паглядзець прэзентацыю Школы адукатараў - серыі навучальных мерапрыемстваў для тых, хто жадае быць лідэрамі навучальных гурткоў па разнайстайных тэмах, такіх, як культура Беларусі, правы чалавека, экалогія, сям’я, кар’ера, пытанні гендэру.
Семінар па культуры Беларусі
25.04.2009
Семінар па гуртках на тэму культуры Беларусі адбудзецца ў Гродна, 27 красавіка (панядзелак) аб 11-й гадзіне.
Даведацца можна больш, звязаўшыся праз пошту hrodna.hurtki@tut.by
Школа адукатараў
22.03.2009
Калі Вам ад 21 да 40,
Вы жывяце на тэрыторыі Беларусі,
Вы актыўная, ініцыятыўная асоба,
хочаце не толькі развівацца самі, але і дапамагаць развівацца іншым,
у Вас ёсць час і жаданне даведацца пра новыя адукацыйныя формы,
у Вас ёсць безліч цікавых ідэяў –
Вам сюды!
Рэсурсная праграма навучальных гурткоў
з сакавіка па снежань 2009 г.
арганізуе нефармальную
школу адукатараў
